Koi Mausam Ho, Dil Mein Hai Tumhaari Yaad Ka Mausam

Koi Mausam Ho, Dil Mein Hai Tumhaari Yaad Ka Mausam,

Ke Badla Hi Nahi Jaanam Tumhare Baad Ka Mausam..

Nahi To Aazma Ke Dekh Lo, Kaise Badalta Hai ?

Tumhaare Muskaraane Se Dil-e-Nashaad Ka Mausam..

Kaheen Se us Haseen Awaaz Ki Khushbuu Pukaare Gi,

To Is Ke Saath Badle Ga Dil-e-Barbaad Ka Mausam..

Qafas Ke Baam-o-Dar Mein Roshni Si Aayi Jaati Hai,

Chaman Mein Aagaya Shayad Lab-e-Aazaad Ka Mausam..

Mere Sheher-e-Pareshaan Mein Teri Be-Chaand Raaton Mein,

Bohat Hee Yaad Karta Hun Teri Bunyaad Ka Mausam..

Na Koi Gham Khizaan Ka Hai, Na Khwaahish Hai Bahaaron Ki,

Hamaare Saath Hai �Ram� Kisi Ki Yaad Ka Mausam�